Ruch – Motor po naszymu ino u nôs!

Łostatni szpil na Cichyj 6 we tym roku zagrômy we ramach 19 raji szpilów eWinner II ligi. Do Chorzowa przijedzie drużina Motoru Lublin.

Motor miôł walczyć we tym syzonie ło awans, ale po drodze potraciōł sporo punktôw i na ta chwila zajmuje we lidze 6 pla, ale mô 26 punktôw – tyla samo co trzi inne drużiny, bezto miyjsce we sztrefie barażowyj jeszcze niy jest pewne.

Ruch pauzowôł skuli wirusa we drużinie Pogoni Siedlce i nie grôł we zeszłym tydniu (szpil zaległy zagrômy 1 grudnia ło 13:00) wiync łostatnim szpilem jest tyn sfalony ze Hutnikiem we Krakowie. Dzisiej srogo łokazjo do rehabilitacji bo już rôz we tym syzonie my Motor pokonali (2:1 wygrano we Lublinie przyp. red.)

Dzisiej na Cichyj mô być srogi doping i chociôż na ta chwila liczniki niy wskazujôm, to czujymy dzisiej komplyt kybicôw, a fto niy może być na szpilu tego zapraszômy na nôsz tradycyjny, pisany, Ślōnski LIVE!

Szpil zacnie sie ło 18:05, link mocie tukej => LIVE: Ruch – Motor kaj zacnymy szprechać juz kole 17:00!

Zapraszmōmy do nŏs!


własne