Ruch pogoniōł Pogoń Grodzisk Mazowiecki! [KONFERENCJA PRASOWO]

Na Cichyj 6 widzielimy dwie różne połowy. Pierwszo – słabo, kaj dali my sie zdominować, i drugo – lepszo, we keryj niy dali my ciynia wontpliwości i po torach Michała Mokrzyckiego, Łukasza Janoszki, Daniela Szczepana i selbstorze pogonili my rywala do dom.

Po szpilu bylimy na konferencji prasowyj i poniżyj zredagowalimy wypowiydzi trynerów po naszymu:

Krzysztof Chrobak (Pogoń): „Spodziywalimy sie trudnego szpilu. Rywale majōm mocno drużina i my mieli fest srogie problymy ze jeich napastnikami. Nôsze problymy wziōnły sie ze braku młodzieżowców i bezto my sporo nazmiyniali. Liczyłej jednak na lepszy wynik i lepszo gra mojij drużiny.

Do pauzy lepij my grali i liczyłech, że po szczelyniu tora przeczimiemy Rucch i ze kontry szczelymy drugi tor, ale strata tora do pauzy trocha podłomała drużina. Źle my wlyźli we drugo połowa i nŏsze błyndy indywidualne wykorzistała drużina Ruchu. Pora razy cudem my niy stracili tora. Pozostowo gratulować trynerowi Skrobaczowi wygranyj i życza dalszych sukcesów.”

Jarosław Skrobacz (Ruch): „Zawsze mie cieszy pozytywno opinia kolegi po fachu, ale jo pozytywnie niy patrza tak do końca, a szczególnie na ta piyrwszo połowa. Tak sie niy szpilo, a jo nawet niy umiołech sie wyłobrazić pewnych zachowań. Trocha mie to boli. Sami se robilimy cyrk i kusili drużina Pogoni do szczylenia drugigo tora.

My côłki tydziyń sie uczyli coby patrzeć ino na sia i robić wszistko, co sie zaplanujymy i ło ta pierwszo połowa mogymy mieć do siebie żol. Chyba pierwszo tako połowa łodkond jestech we Chorzowie, a we szatni bōło fest nerwowo.”


własne