Ruch spłaciōł zaległości!

Do dzisiŏj – 30 wrześniŏ, klub miŏł spłacić zaległości licencyjne. Jak poinformowŏł wiceprezes Marcin Waszczuk – piyniōndze łostały dzisiŏj wysłane.

“Dzisiŏj słożōłech we Ślōnskim Zwiŏnzku Piłki Nożnyj pismo ze informacjŏm ło spłacie bez Ruch wszistkich licyncyjnych zaległości. Łaziło ło kwota 640 tys. zł. Swoje zaległe piyniōndze dostali tyż trynery Juan Ramon Rocha i Krzysztof Warzycha” – gŏdŏł do Dziennika Zachodnigo Waszczuk.

Wiadomo, że piyniōndze na spłata dŏł prywatny inwestor (Zdzisław Bik) i UM Chorzów.

Piyniōndze do pracowników za siyrpiyń majŏm być wypłacone do 10 października, a do fusbalorzy i trynerów do 20 października. Klub czekŏ tyż na decyzjŏ ŚlZPNu, cy łodzyskŏ zabrane punkty po spłacie zadłużyniŏ.


własne / dz

Komentarze