Ruch – Widzew we liczbach

Niy do sie ukryć, że tyn szpil elektryzuje niy ino we Chorzowie, ale i we Łodzi i kożdyj dzielnicy inkszych miast, we kierych kybicuje sie łobydwu drużinom. Poniżyj kilka cyfr ło dotychczasowych wspólnych szpilach:

Na ta chwila rozegranych je 64 szpile oficjalne miyndzy Ruchem i Widzewem. Równo 32 szpile zagrali my u sia i na wyjyździe.

Piyrwszy szpil oficjalny boł we 1948 roku. 20 maja Ruch wygroł 13-1. Tory do Niybieskich szczylali:
20 i 24 – Bernard Morys;
27, 41, 70 i 86 – Jan Przecherka;
45 – Eugeniusz Kubicki;
51, 56, 88 – Gerard Cieślik;
68, 85, 87 – Henryk Alszer.

Łostatni szpil Ruchu ze Widzewem u sia boł 28 lutego 2014r. Ruch wygroł 2-1 po torach:
31 – Filip Starzyński (ze elwra)
50 – Grzegorz Kuświk

Bilans momy niy nojlepszy. Ze 64 szpilów wygrywali my ino 18, rymisowali my 20 razy i 26 razy my sfalali.

Piyrwszo porażka u sia zanotowalimy 4 czyrwca 1980 roku. 1-2. Tora do nos zdoboł Andrzej Buncol. Zaś łostatni roz my u sia sfalili 19 kwiytnia 2006 roku. 0-2.

Piyrwszy rymis u sia mioł miyjsce 4 kwiytnia 1976 roku 0-0. Łostatni zaś 25 wrzyśnia 2010 roku 1-1. Tora do nos szczyloł Arkadiusz Piech.

Bilans torów momy dodatni – 77 szczelonych i 76 straconych.


własne / encyklopedia piłkarska FUJI wyd. 1995r. / hppn.pl

Dodaj komentarz

Twój adres email nie zostanie opublikowany.