Ślōnski LIVE ze szpilu Ruch Chorzów – Hutnik Kraków ino u nŏs!

We niydzielne połednie zagrŏmy szpil ostatnij raji eWinner II ligi. Do Chorzowa przijedzie ekipa Hutnika Kraków.

Hutnik już jest pewny, że slatuje ze ligi ale niy idzie im odebrać ambicji, bez kero wygrali szpil ze Ruchem u sia. Umiejyntności to jedne, ale jak jest ambicjo to idzie poradzic sie ze kŏżdym, a dodatkowo na nich niy ma żŏdnyj presji.

Co inkszego Ruch, kery niy wygrŏł już ode 6 szpilów (ostatni rŏz ze Stalą wygrali my 2:1) i na 5 ostatnich szpilów szczelili my 1 tor. Presja utrzimania trzeciego placu we lidze i spokojnyj gowy na baraże jest we klubie priorytetowo i wszistko pozostaje we nogach nŏszych fusbalorzy.

Telewizja pokoże szpil o 6 plac (Stal Rzeszów – Lech II Poznań) wiync wsziscy, co niy mogom przijść na szpil na Cicho 6 bydom mogli śledzić nŏsz Ślōnski LIVE.

Piyrwszy gizdek mo być o 12:30, a my zacznymy szkryflać już kole 11:40 i znŏjdziecie nŏs tukej: Ślōnski LIVE: Ruch – Hutnik.

Zapraszōmy do nŏs!


własne