Ślōnski LIVE ze szpilu Śląsk 2 Wrocław – Ruch Chorzów ino u nŏs!

Przedostatnio raja szpilôw eWinner II ligi zaprowadziōła Ruch do Wrocławia. To tam zagrŏmy o kolejne ważne ligowe punkty.

Ruch musi cisnonć o tyn trzeci plac, bo on gwarantuje piyrwszy szpil u sia, a we kontykście braku licyncji do klubu ze Stężycy może sie okozać, że klub ze trzeciego placu wlyzie od razu do finału baraży.

Rezerwy Śląska majōm już pewne utrzimanie i bez presji mogom sie skupić na tym, coby nom narobić psikusa, ale kryzys zdrowio we Ruchu już chyba jest zakończony i wierzymy, że w końcu wrócymy na obrano wcześnij droga do awansu we tym syzonie.

Szpilu niy zoboczycie we TV ino na Sportize, ale bydziecie mogli poczitać LIVE po naszymu. Piyrwszy gizdek mo być o 17:00, a my zacznymy szkryflać już kole 16:10 i znŏjdziecie nŏs tukej: Ślōnski LIVE: Śląsk II – Ruch.

Zapraszōmy do nŏs!


własne