[SZPARING]: Ze Rekordem Bielsko Biała rymis na zakończynie zgrupowania!

Na zakończynie zgrupowania we Kamieniu – Rybniku „Niebiescy” zagrali szpil szparingowy ze Rekordem Bielsko Biała. Niy bōło łatwo bo szpil bōł fest wyrównany i ostatycznie, po torach fusbalorza testowanego i Daniela Szczepana, Ruch zrymisowôł 2:2.

I połowa:
Bielecki – Kulejewski, Nawrocki, Szywacz, Żuk, Mokrzycki, Sikora, Szkatuła, Janoszka, Chiliński (30 – Szczepan), Żagiel (24 – Bąk)

II połowa:
Bielecki (62 – T. Nowak) – Kulejewski (62 – Kasolik), testowany I, Szywacz (62 – Kowalski) – Wójtowicz, Wyroba, Mokrzycki (62 – J. Nowak), testowany II – Foszmańczyk – Stępień, Szczepan

Ruch Chorzów terozki bydzie trynować już na swoich szpilplacach. We planach jest rozygranie jeszcze 3 szparingów (GKS Jastrzębie – 12 luty, Podhale Nowy Targ – 16 luty i Skra Częstochowa – 19 luty), a na 27 lutego zaplanowany jest już szpil ligowy ze Lechem II Poznań.

Co do testowanych to znŏmy ich nazwiska ale niy ujawniômy ze wzglyndu na dobro Klubu. Jeszcze dzisiej może zapaść decyzjô czy bydôm fusbalorzami Ruchu, czy niy.

Cŏłki plan przigotowań, wyniki szparingów i szczelców torów môcie tukej => Plan przigotowań.


własne