Szpil na szczycie: MKS Kluczbork – Ruch Chorzów!

MKS i Ruch to obycnie dwa kluby ze kompletym – 3 wygranych szpilów we nŏszyj lidze. Dzisiej spotkajôm sie we bezpośrydnim pojedynku, we Kluczborku.

MKS to mody klub, bo powstŏł dopiyro we 2003 roku i jest połonczyniem KKS-u Kluczbork, LZS-u Kuniów i Międzyszkolnego Ośrodka Sportu w Kluczborku. Ich nŏjwiynkszym sukcesem jest awans do I Ligi we syzonie 2015/16 i 1/8 finału Pucharu Polski we syzonie 2011/12.

We syzonie 19/20 gralimy ze MKSem u siã, we 5 raji zrymisowalimy 0-0. Do rywanżu niy doszło ze wzglyndu na przerwane rozgrywki. MKS zajôn miyjsce 4 i traciōł 1 punkt do Ruchu. We tym syzonie, łobok Ruchu i Polonii Bytom je wymiyniany we gronie faworytów do awansu do II Ligi.

We obecnym syzonie drużina ze Kluczborka mô 9 pkt, po 3 szpilach – tyla, co Ruch, i 7-3 we torach (wygrali ze LKSem Goczałkowice Zdrój 3-2, rezyrwami Górnika Zabrze 2-0 i ze Polonią-Stal Świdnica 2-1), co kôże wierzić, że dzisiyjszy szpil bydzie jednym, ze nôjlepszych, jakie rychtujôm sie we tym syzonie.

Ekipa trynera Łukasza Berety, ze szpilu na szpil prezyntowała sie corôz lepij i dzisiŏj na pywno tyż niy dadzôm sie zaskoczyć rywalom. Wierzymy, że bydzie fest srogie widowisko i zwyciynski bydzie właśnie Ruch. Nôsz typ: 1-4.

Poczôntek zaplanowany je na godzina 18:00

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej!


własne