Szpil na szczycie: Ruch Chorzów – Ślęza Wrocław [ZAPOWIYDŹ]

Nadszed jedyn ze nôjważniyjszych szpilów we syzonie. Ruch Chorzów, u sia zagro ze Ślezą Wrocław, kiero bezpośrenio może zagrażać Ruchowi we walce ło awans.

Ślęza zacła runda łod wygranyj (3-0 ze Miedzią II) ale potyn straciła punkty we Pawłowicach (sfalone 1-2 ze Pniówkiem). Na ta chwila bōła to jedyno strata punktów we rundzie, ale strata do Ruchu wyłazi już na -9 punktów. Coby czimali sie blisko Ruchu musieliby wygrać. Na jesiyni udało im sie to i przi łokazji przerwali seria nŏszych szpilów bez sfalonygo (29 sierpnia 2020r. 1-0 Ślęza wygrywo. Tora zdobōł Hubert Muszyński we 65 minucie).

To niy jest tak, że Ruch bōł słabszy, bo bōło sporo nŏszych łokazji, ale brakło szczynścio do szczelynia tora. Łostatycznie tamtyn szpil my sfalili, a terozki przyłazi łokazjô sie łodygrać. „Bydzie 2-0, mimo tych wszystkich przesłanek, że szpil bydzie ciynżki, czuja, że jednak bydzie lżyj” – godoł Marcin Stokłosa (przedstawiciel kybiców we Radzie Nadzorczyj Ruchu i człowiyk łodpowiedzialny za rozwój Akademii Ruchu) we łostatnij Niebieskiej eRce (cołki program tukej => Niebieska eRka (06.04.21r.))

Za kartki pauzować bydzie Marcin Kowalski, kiery uzbieroł 4 żółte we tym syzonie, a zagrożyni som: Kacper Kawula, Michał Mokrzycki (7 żk), Konrad Kasolik, Piotr Wyroba (3 żk, Wyroba 2 kartki we barwach Rekordu).

Przewidywany skład Ruchu:

Bielecki – Kulejewski, Kawula, Kasolik – Mokrzycki, Wyroba, Kwaśniewski, Janoszka, Foszmańczyk – Idzik, Biskup.

Przewidujymy, że ze wzglyndu na pauza Kowalskiego zagro na krzidle Ecik, a do przodka wlyzie wracajōncy po kontuzji Mariusz Idzik.

Szpil syndziować bydzie Dolnośląski ZPN na czele ze Rafałem Abramowiczem ze Jawora.

Plan szpilów 25 raji:

MKS Kluczbork – Foto Higiena Gać
Warta Gorzów Wlkp. – Piast Żmigród
Ruch Chorzów – Ślęza Wrocław (18:00)
Polonia-Stal – Zagłębie II
Górnik II – Polonia Bytom (16:00)
LKS Goczałkowice – Lechia ZG
Pniówek Pawłowice – Rekord BB
Miedź II – Polonia Nysa
Gwarek TG – ROW 1964

Ze godziom zaznacony szpil kiery nôjbarzij interesuje kybiców Ruchu, cyli szpil Polonii Bytom kiero walczy ze Ruchem ło piyrwszy plac we lidze.

Szpil Ruchu bydzie szło łoglōndać na łoficjalnym kanale Ruchu tukej => KUP DOSTĘP DO TRANSMISJI bydzie tyż rylacja radiowo we RADIO WIDZEW.

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej


własne