Transfery ze i do Ruchu – karasola sie krynci

Okres miyndzy rundami zawsze jest bogaty we roztomajte wzmocniynia i tyż pożegnania fusbalorzy. Ruch opuści pora nazwisk, we tym synek, kiery niy powinien łodlyźć, ale go kupili.

Tomasz Neugebauer łostoł wykupiony bez Lechia Gdańsk. Godo sie, że za transfer Ruch zarobiōł 200 tys. zł.

Piotr Kwaśniewski odłazi ze Ruchu za porozumiyniym sztron.

Tomasz Dyr bydzie wypożyczony do końca syzonu do Piasta Żmigród.

Maciej Styrczula łostoł wykupiony nazot bez Podhale Nowy Targ.

Terozki pora napisać, fto prziszed:

Remigiusz Szywacz – 26 lot, łobrońca ze Korony Kielce bydzie we Ruchu do końca czerwca 2023 roku ze opcjom przedłużynia;

Piotr Stępień – 24 lata, napastnik ze Ślęzy Wrocław bydzie u nos wypożyczony, ale mŏmy opcja wykupu;

Kamil Chiliński – 18 lot, napastnik ze Rakowa Częstochowa (łostatnio Odra Wodzisław Śl. wypożyczony) wypożyczenie ze opcjom wykupu.

Do tego umowy przedłużyli Tomasz Wójtowicz (do końca czerwca 2024 ze opcjom przedłużynio o rok) i profesjonalny kontrakt podpisŏł 15-lytni Antoni Franke.


własne