Warta Gorzów Wielkopolski – Ruch Chorzów [ZAPOWIYDŹ]

20 marca Ruch Chorzów zagro na wyjyździe ze Wartą Gorzów Wielkopolski, a szpil łodbyndzie sie we ramach 22 raji szpilów III grupy, III Ligi.

Warta Gorzów Wlkp. zacła runda łod sfalonygo szpilu, u sia ze Górnikiem II Zabrze (0-1 przyp. red.) ale juz we 21 raji szpilów pywnie wygrali 3-0 ze Polonią Stal Świdnica na wyjyździe. We barwach gospodorzy gro wypożycony ze Ruchu Kamil Lech, ale zapisy we umowie mo takie, że we szpilu ze Ruchem niy zagro.

Niebiescy zacli runda łod dwóch szpilów domowych, łoba wygrali (3-0 ze Polonią Stal Świdnica i 4-0 ze Foto Higieną Gać przyp. red.) i we łobu szpilach tory szczylôł nowy nabytek Ruchu – Michał Biskup, kiery robi fest dobre wrażynie.

Piyrwszy szpil wyjazdowy bydzie ciynżki, a ło tym jak fest gôdoł we łostatnij „Niebieskiej eRce” kapitan Ruchu – Tomasz Foszmańczyk (idzie łodsłuchać tukej => Niebieska eRka 16.03.21).

Po zawieszyniu za kartki do składu wraco Kacper Będzieszak, a zagrożony jest ino Marcin Kowalski, kiery mo juz 3 żółte kartki.

Stadion OSiR w Gorzowie Wielkopolskim: ul. Olimpijska 29, Gorzów Wielkopolski:

Sędzia Główny – Mateusz Maj (Trzebnica, Dolnośląski ZPN),

Asystenci: Marcin Tomalski (Wrocław), Jakub Szkutnik (Wrocław, Obaj Dolnośląski ZPN)

Przewidywany skład Ruchu:

Bielecki – Kulejewski, Kawula, Kasolik – Mokrzycki, Wyroba, Kwaśniewski, Kowalski, Foszmańczyk – Janoszka, Biskup

Plan szpilów 22 raji:

Foto – Higiena Gać – ROW 1964 Rybnik
Ślęza Wrocław – LKS Goczałkowice Zdrój (14:00)
Lechia Zielona Góra – Gwarek Tarnowskie Góry
Polonia Bytom – Miedź II Legnica (15:00)
Zagłębie II Lubin – Pniówek Pawłowice
Warta Gorzów Wielkopolski – Ruch Chorzów (14:00)
Piast Żmigród – Górnik II Zabrze
MKS Kluczbork – Polonia – Stal Świdnica
Polonia Nysa – Stal Brzeg
pauza – Rekord Bielsko Biała

Ze godzinami zaznacone sôm szpile kiere nôjbarzij interesujom kybiców Ruchu, cyli szpile Ślęzy Wrocław i Polonii Bytom. Łobie drużiny walczom ze Ruchem ło piyrwszy plac we lidze. Polonia mo 8 punktów straty, a Ślęza 9.

Wszistkie szpile łodbyndom sie 20 marca.

Szpil Ruchu bydzie szło łoglōndać we systemie PPV tukej => Warta – Ruch TV koszt to 12 zł i Ruch bydzie miôł ze tego wpływy.

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej


własne