We Chojnicach szpil na szczycie. Chojniczanka – Ruch po naszymu ino u nŏs!

Na zakończynie 24 raji szpilów we eWinner II lidze, Ruch pojechŏł do Chojnic, kaj zagro szpil na szczycie ze tamtyjszom Chojniczanką.

We tabeli robi sie ciasno za Ruchem (Motor Lublin 42 pkt., Lech II Poznań 39 pkt.) kery mo na ta chwila 43 punkty. Zaś przed Ruchem jest właśnie Chojniczanka ze 47 punktami. Wiync ło tym, jak ważny jest to szpil do Ruchu niy trza chyba gôdać. Sfalone, może zamknōnć Ruchowi droga do awansu bezpośrednigo i trza bydzie szpilac ło baraże, zaś wygrano może nŏs przibliżyć na tyla, że jeszcze wszistko sie może zdażyć. Dzisiej niy może być inaczyj, jak wygrany szpil Ruchu coby szło pedzieć, że mŏmy szanse na tyn bezpośrydni awans i côłko drużina mo tego świadomość.

Na jesieni to Ruch bōł lepszy, chociŏż Chojniczanka prowadziōła to ostatycznie „Niebiescy” wygrali 2:1 (tory szczylali Foszmańczyk i Szczepan, a do Chojniczanki Klichowicz).

Patrzōnc we tabela to Ruch na wyjazdach zagrôł 11 szpilów (6 wygranych, 2 rymisy i 3 sfalone szpile) zdobōł 20 punktów i zajmuje 4 plac, zaś patrzōnc na szpile domowe Chojniczanki – 12 szpilów – to majōm bilans 9 wygranych i 2 sfalone. U sia zdobyli 27 punktów i 3 plac.

Do Chojnic wybrała sie sporo grupa kybiców Ruchu, co zapywne fest pomoże nŏszym fusbalorzom kierzy na pewno mocno liczom na wsparcie ze trybun.

My mōmy na uwadze, że niy kŏżdy mo wolne, abo może łoglōndać szpil we robocie beztō zrobiymy szkryflany Ślōnski LIVE! Szpil mŏ sie zaczōnć ło 18:15, link do nŏszego LIVE mocie tukej => LIVE: Chojniczanka – Ruch kaj zacnymy szprechać juz kole 17:10!

Zapraszōmy do nŏs!


własne