We Drugij Lidze wszistko zakońcone!

Dzisiŏj, 19 maja zakońcōła sie II Liga we fussbal. Znŏmy już wszistkie niywiadome. Poniżyj prezyntujymy fto awansowŏł, fto sleciôł:

Awans już wcześnij wywalczōły 2 drużiny: Radomiak Radom i Olimpia Grudziądz. Do końca ło awans walczôły drużiny Elany Toruń i GKSu Bełchatów.
We łostatnij raji szpilów, Elana u siã szpilała ze Olimpią Elbląg, zaś GKS Bełchatów na wyjyździe szpilŏł we Stargardzie, ze Błękitnymi. GKS zremisowŏł 0-0, a Elana rzutym na taśma sfalōła szpil ze Olimpią i to GKS włazi do I Ligi.

Na spŏdku pewne bōło, że slatuje Rozwój Katowice i Ruch Chorzów, ale ło utrzimanie walczōły drużiny ROWu Rybnik, Siarki Tarnobrzeg i Olimpii Elbląg. Wszistkie trzi drużiny wygrały swoje szpile, a nŏjlepij punktowo na tym wylazła drużina ze Elbląga, kiero finalnie sie utrzimała, a spadli ROW i Siarka.

Ruch skuli przegranyj ze Pogonią i wygranyj Rozwoju sleciŏł na łostatni plac we II Lidze. Co do spadku Siarki jesce nie wszistko je pywne, ze wzglyndu na docierajōnce do nŏs informacje łodnośnie licyncji dla spadkowicza ze I Ligi – Bytovii Bytów. Ponoć majōm niy przistompić do rozgrywek – tukej info je niy pywne.

końcowŏ tabyla II Ligi syzonu 18/19

własne