Widzew i Elana na rymis – meldunek ze II Ligi

We środa moglimy łoglōndać zmaganiŏ we II Lidze. Nŏjbarzij interesowały nŏs szpile we Łodzi i Toruniu.

Elana Toruń u siã podejmowała Skra Częstochowa. Łod 60 minuty bōło gorko, bo to goście prowadzili 1-0, ale pod koniyc szpilu rymis uratowŏł Michał Bierzało. Bōł to jego piyrwszy tor we tym syzonie. Warto dodać, że Elana łod 72 minuty szpilała we 10-ciu, bo czyrwonŏ kartka – za dwie żółte, dostŏł Onsorge. Po 5 rajach Elana je na 10 placu, mŏ 7 punktów, cyli 2 straty do miyjsca barażowego.

Widzew Łódź u siã grŏł ze Górnikiem Łęczna. Łod poczôntku tyn szpil lepij układŏł sie gościom. 2 tory do Górnika zdobōł… były fusbalorz Ruchu – Paweł Wojciechowski. Dopiyro pod koniyc szpilu udało sie szczelić 2 tory i doprowadzić do rymisu. Widzew grŏ fest we kratka, co przekładŏ sie na pozycja we tabeli – 8 plac, 8 punktów, 1 sztraty do miyjsca barażowygo.

6 raja szpilów zacnie Elana, 24 siyrpniŏ ło 17:00 zagrŏ we Rzeszowie, ze Stalą, zaś Widzew zagrŏ 25 siyrpniŏ, ło 16:00 we Częstochowie ze Skrą.


własne