Zapisujymy punkt i lecymy dalyj! [KONFERENCJA PRASOWO]

foto: własne

„Niebiescy” zagrali dobry szpil i do szczynścia brakło ino tora. Trza jednak szanować tyn rymis i fest ważny punkt kiery utrzimuje Ruch we bezpiecznyj przewodze nad trzecim placem. Po szpilu mômy zapis konferyncji prasowyj po naszymu:

Daniel Myśliwiec: „Nôjbarzij łogólnie, to jakbymy ściōngli te emblymaty ze band tego sztadionu to powiedzielibymy, że to niy bōł szpil II ligi, ino jakijś ligi wyżyj. Na pywno niy jestech zadowolony ze nôszej piyrwszyj połowy. We drugij wlyźlimy na nôsze normalne łobroty. Mielimy pora sytuacji i ciesza sie, że tyn szpil tak wyglondoł i moga pedzieć, że tyn szpil bôł jednym ze nôjlepszych jak nie nôjlepszy we naszym wykonaniu. Mômy nadzieja, że we rywanżu bydymy barzij skuteczni i wygrômy”.

Jarosław Skrobacz: „Myśla, że tyn wynik, 0:0 absolutnie niy łoddaje tego co sie działo na szpilplacu. Gralimy u siã i bardzo chcielimy tyn szpil wygrać. Byliśmy nastawiyni, coby zaatakować i wybić Stali argumenty. Piyrwszo połowa bōła dobro we nôszym wykonaniu i wiadomo, że stracilimy srogo sił, i ta drugo połowa z poczôntku niy bôła nôjlepszo. Dobra interwencjo tormana uratowała nôs przed sfalonym. Nôsze zmiany spowodowały, że ta gra niy bōła już tak płynno jak wcześnij. Wiedzielimy ło Stali wszystko i dzisioj zagrali bardzo dobrze w defensywie. Nôsze szczały bōły na tyle słabe, że torman gości je wyłapôł i mômy 0:0. Zapisujymy punkt kery szanujemy”.


własne