[ZAPOWIYDŹ]: Derby ze ROWem 1964!

Piytnosty maja 2021 roku to data, kero może zapisać sie we pamiynci kybica niy ino ze wzglyndu na szpil derbowy, ale jest to tyż piyrwszy szpil kaj na trybuny wrocajôm kybice.

Do Chorzowa przijedzie drużina ROWu 1964 Rybnik. Coby niy godać, czy szkryflać, to bez wzglyndu na liga, takie szpile zowsze bydōm elektryzować kybiców. Niy inaczyj jest i terôzki kaj trwo wielko mobilizacja na tyn szpil.

Niystety na łobecno chwila na sztadiony wlyzie ino 25% zgłoszonyj frekwyncji, co we przipadku Ruchu łoznaczo kole 2325 kybiców (we tym trza liczyć kole 2000 karnetowiczów) bez co we internecie trwało zwolnianie miyjsc tych, kierzy niy bydôm mogli być na sztadionie.

Pozostałym łostaje kubić rylacja TV, abo słuchać Radia Widzew.

ROW 1964 jesce przed sztartem rundy chcioł sie wycofać ze szpilanio i profesjonalnygo granio we fussbal (Rybnik słynie głównie ze żużla) ale łostatycznie do wycofanio drużiny niy doszło.

Łobycnie, po 28 rozegranych szpilach zajmujom plac zarozki nad kryskōm czyli 15 i majōm ino 2 punkty przewogi nad miyjscem spadkowym (28 pkt.) wiync jeśli drużina myśli ło utrzimaniu to niy może ze Ruchem sfalić, ale na jesiyni to my byli lepsi i we Rybniku (łostatni szpil ze kybicami, ale bez kybiców Ruchu) wygralimy 2-0 po torach Mateusza Duchowskiego i Mariusza Idzika.

Ruch Chorzów zanotowoł słabszy szpil we Pawłowicach Śląskich, kaj we I Rundzie Wojewódzkiego Pucharu Polski sfalili my 1-3 i łodpali ze dalszyj rywalizacji ło Puchar Polski na szczeblu cyntralnym. We lidze, mômy passa 12 szpilów wygranych ze rzyndu (liczōnc tyż szpil ze Górnikiem II Zabrzre na koniyc rundy jesiynnyj) i przi powrocie kybiców na trybuny, niy wyłobrażomy se, że ta passa mo sie dzisiej skończyć.

Po 29 szpilach Ruch mo już 77 punktów (dalyj 13 przewogi nad Polonią Bytom) i dalyj nojlepszo defensywa we lidze (ino 23 stracone tory) a u sia niy sfalili my we lidze żodnego szpilu.

Przewidywany skład Ruchu:

Bielecki – Kasolik, Kawula, Mokrzycki – Kowalski, Neugebauer, Foszmańczyk, Będzieszak – Janoszka, Kwaśniewski, Biskup.

Po pauzie za kartki do składu wróci pewnie Michał Mokrzycki, zaś reszta skłądu niy powinna ulec żodnym zmianom i zoboczymy tyn som skład co we Nysie.

Zagrożony pauzom we nōstympnym szpilu jest ino jedyn fusbalorz – Daniel Paszek kiery na koncie mo 3 żólte kartki.

Plan szpilów 31 raji:

Zagłębie II – Foto-Higiena
Ślęza Wrocław – Polonia Bytom (16.05. 14:00)
Piast Żmigród – Lechia ZG
MKS Kluczbork – Rekord BB.
Warta Gorzów Wlkp. – Polonia Nysa
Ruch Chorzów – ROW 1964 Rybnik (18:00)
Polonia-Stal – Stal Brzeg
LKS Goczałkowice – Gwarek TG
Pniówek Pawłowice – Miedź II

Ze godzinami zaznacony szpil kiery nôjbarzij interesuje kybiców Ruchu, cyli szpil Polonii Bytom. Drużina ta walczy ze Ruchem ło piyrwszy plac we lidze.

Szpil Ruchu bydzie szło łoglōndać na łoficjalnym kanale Ruchu tukej => KUP DOSTĘP DO TRANSMISJI kaj łobok Tomasza Ferensa szpil skomyntuje Mateusz Michalski (tryner juniorów starszych Ruchu), bydzie tyż rylacja radiowo we RADIO WIDZEW i na YouTubie (link poniżyj).

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej


własne / radiowidzew.pl