Zmiana drużiny we nŏszyj lidze? Je to możliwe

Dariusz Grabiński

Wiela wskazuje na to, że we nŏszyj lidze dojdzie do zmiany drużiny. Łazi o klub ze Ślōnska.

Jak donosi sportslaski.pl, drużina Rozwoju Katowice może łostać rozwiōnzanŏ. Do dzisiŏj zawodniki niy trenowali ani rŏz razym, niy ma tyż komplytu sztabu szkolyniowygo.

Fusbalorze dostŏwajôm możliwość rozwiōnzaniŏ swoich kontraktów. Oficjalnygo komunikatu władz klubu na ta chwila niy ma.

Gdyby Rozwój sie wycofŏł, to do ligi wlyzie nŏjwyżyj sklasyfikowany spadkowicz – MKS Kluczbork. Ponoć sŏm tam gotowi na takŏ sytuacjŏ.

Cŏłki artykuł Szportu Ślōnskigo dostympny tukej => Stawka III-ligowców do zmiany? Rozwój może nie zagrać w lidze


własne / sportslaski.pl

Komentarze